Boo-E Nafrat Se Ilahee Inhen Karde Aazaad!
A
0
Altın Yaprak
yaad mehkaatee rahegee tiree sandal ki tarah..
aaj ki raat bhee guzregee miree kal ki tarah
woh mire kooNche meN aata hai chala jata hai
sookhe khetoN se guzar jata hai badal ki tarah
tum jo they door tou ik pal bhi tha mere liye din
aur ab din bhi guzar jate hain ik pal ki tarah
boo-e nafrat se ilahee inheN karde aazaad
dil bhi ho jayeN moAttar kise sandal ki tarah
mujh pe karna hai karam tum ko tou paiham karna
aarzi lutf hai eik jaur-e musalsal ki tarah
jis Taraf dekhiye bus jung ki tayyari hai
saree duniya hi nazar aati hai maqtal ki tarah
'Aarzoo' dil hai mira shahr ki maniNd magar
kitnee veeraani hai is shahr meN jungal ki tarah
© Aarzoo Mehek.
Bu şiiri puanla
Henüz puan verilmemiş