Keh Maahtab Nahin Rashk-E Maahtaab Hai Tu!
A
0
Altın Yaprak
Miree nazar ka mire dil ka intekhab hai tu
Jawab tera nahiN hai ke lajawab hai tu
Jo tujhko chaaNd sa kahte haiN nasamajh haiN bahut
Keh maahtab nahiN rashk-e maahtaab hai tu
Woh jisko maiN ne sada jaagte meN dekha hai
Tujhe Khabar hai ik aisa Haseen Khuwaab hai tu?
Nazar se meree kabhi ek baar Khud ko dekh
Yeh baat tu bhi kahega ke lajawab hai tu
Koyee na jeete nah haare yehee hai ishq ka khel
Na kamyab hooN maiN aur na kaamyaab hai tu
Yehee tou rishta hai ai dost tujh meN aur mujh meN
Keh maiN hooN tishna labee aur sard aab hai tu
Tamam umr jise chup ke Aarzoo ne paRha
Kitab-e ishq ka aisa Haseen baab hai tu
© Aarzoo Mehek
Bu şiiri puanla
Henüz puan verilmemiş