Badal
A Akhtar Jawad
0
Altın Yaprak
Dharti ki peyas bujhane ko aiy badal ab to aa jao,
Mere tan man dono jalte hayn tum aakar aag bujha jao,
Na jane kahan tum sote ho,
Na jane kahan tum hote ho,
Hathon ko uthao zara ooper,
Angrai zata lo tum hans kar,
Main chupkar tumko dekhoon ga,
Joban ke darshan lootun ga,
Tum itna bhi na sharmana,
Han thoda thoda simat jana,
Phir toot ke ayse barasna tum,
Jitna ji chahe chamakna tum,
Jitna ji chahe garajna tum,
Per mujhpar aaj barasna tum,
Tum bijli mujhpe gira dena,
Chaho to mujhko jala dena,
Lekin madira barsa dena,
Han meri peyas bujha dena,
Akash bhi raste niharta hay ab aao aakar cha jao.
Dharti ki peyas bujhane ko aiy badal ab to aa jao.
Bu şiiri puanla
Henüz puan verilmemiş