Karachi Roshnion Ka Shahr

YahiN jeena, yahiN marna, yeh hay dharti ka kinar Motor cycle hay mere pas tere pas hay car Petrol to lena hay bhale layeN udhar Teri khatir hay CNG tu hay aaqa maiN ghulam Is Karchi ke to hayN bas yehi subh yehi sham. Load Shading ke andheroN meN hay cellphone china Mere mahboob jiye jate hayN batoN ke bina Ek muddat se na soonghi tera hathoN ki hina K-Electric ki tarah hay tera ek khufia nizam Is Karchi ke to hayN bas yehi subh yehi sham. KahiN kachra kahiN machar hay drainage ka ubal Khal public ki sabhi khenchte leader bakamal Kahin PP kahiN poN poN yeh traffic ka wabal Ab to London hay halal aor Karachi hay haram Is Karchi ke to hayN bas yehi subh yehi sham. KahiN ulta kahin palta kabhi atka kabhi latka Hum to duble hue wuh ho geya aundha amatka Pee ke whiski wuh kara deta hay sabka jhatka Bura hota hay bure kam ka lekin anjam Is Karchi ke to hayN bas yehi subh yehi sham. (Being inspired by a lyric of Majrooh Sultanpuri, Zara hat ke zara bach key eh hay Bombay Meri JaN, from movie CID)