Su quattro versi d'Aubanel
A Alcide Blavet
0
Altın Yaprak
Fauto d’aigo la flour passis,
L’aubre se mor de secaresso;
Sènso soulèu, sènso caresso,
Iéu ai lou làngui dóu païs.
Moun cor dins l’amarun soumiho,
E foulas n’a ges de soulas,
E pantaiso, aubo e vèspre, ailas!
Dóu païs que trévo ma mìo.
Mount-èi lou cèu d’azur qu’esbriho,
L’oulivié, la vigno, li blad
Mounte soun? E ploure eisila
Liuen d’aquelo estranjo patrio.
Ah! m’èrias double paradis,
Païs blu, daurado adourado!
E vau à la desesperado
Coume l’aucèu liuen de soun nis.
(op. separato).
Metnin kaynağı: Kamu malı arşiv
Bu şiiri puanla
Henüz puan verilmemiş