Padre, figlio e nipote
A André Autheman
0
Altın Yaprak
T’ai canta, bello frucho, e te cantarai mai;
Oulivié, sies lou rèi dis aubre de Prouvènço,
E ti branco n’an pas besoun dóu mès de mai,
Pèr reprene sa ramo e sa flour de jouvènço.
Di colo que l’estiéu besusclo de si rai,
Entendes sibla l’auro e brama la Durènço,
E l’òli sabourous, que toun óulivo fai,
Es un signe de pas, de forço e de sapiènço.
Eh bèn! éu qu’a sacra tant de front autourous,
Umble, sout lou moulèire escampo soun fiéu rous
Dedins l’aiòli dóu Martegue,
L’aiòli que nous fai bèure coume de trau!
E iéu, quand l’arrousan emé de vin de Crau,
Es un cop just se noun m’empegue.
(Poésies provençales)
.
Metnin kaynağı: Kamu malı arşiv
Bu şiiri puanla
Henüz puan verilmemiş