Un fiore di maggio

Fai-me quicon, Felibre! E que vos que te fague? Te sos be miralhado, amai souvèntos fes? Adounc, que tu vos mai? que faire que te plague? Toun miral t’a pas dich que noun te manco res? A la primo de l’age, o ma bello poutouno! Tu, ramplido de biais, de gracio e de boun grat, Fresco coumo un rousié tout-escas que boutouno, Toun miral t’a pas dich qu’as tout à toun agrat? Tu, pleno d’avenènso, e galoio, e risento, Degourdido, amistouso e d’un boun natural, E que tant te rousigo e tant te despoutènto? Toun miral t’a pas dich qu’as tout so que te cal?