गोर्बोनि आर'नाइ-A

नोंनि गन्थं बिजौनि सबाइबिमाया सम सम मोदानफैयो आंनि रेटिनायाव रिंखांफैयो समजों गोरोबना नोंनिनो रैसुमै गारां बोदोर बाउलि आंनि लाइमोन गोसोआ- - - नों हरनाय गोर्बोनि आर'नाइ- - दं आंनिनो मिजिंनि सिबबा सायाव जोथोनै दोनो आं बेसेबा समायनायै- - नोंबो रोंगौ गुबुनफोर बादि मावनो दांनो बुरै दैसायाव ना गुरनो सोलोंनायाव मिनि जादोंमोन नों सानसे उन्दैफोरजों जेरावनो नों जेखाइनि नाथुरखौ माफा माफा खेबखांदोमोन अब्लानिफ्रायनोथ' नों रोंलांदोंमोन दिंखिया, थाराइ, सिब्रु बायदि मैगं नागिरनायावबोथ' नों उन नंलिया- - खामसालिनि बिमानि इसानसालियावबो नोंनोसै साल खुख्राव खुख्राव खालामग्राया बे समावनोथ' नों आंनो मेसेस् हरोमोन सि दानायफाजैनो माखौथो रोङा नों अनजालि- - जेखौबो नों रोंगौसै बिमा बिफा सिबिनो!