Capissi anmì, sur professor Ronchett
C Carlo Porta
0
Altın Yaprak
Capissi anmì, sur professor Ronchett,
Che in quant a fà strivaj lu le quell omm
Che pò stà impari quand se sia al Domm,
Che l’è tra i maravej quella di sett.
Ma quell vizi fottuu de l’impromett
E de vess tant de rari galantomm,
Et fa tort minga poch al sò bon nomm,
E come dighi l’è on fottuu difett.
Ma dianzer, coss’hin i mee danee?
Hin merda, ch’el vœur propri ciappann pu?
Foo el sbir, e! boja, el lader de mestee?
Anzi quant a mestee semm carna e pell,
Chè lavorem in vers tant mi che lu,
Mi i penser del mè coo, e lu el viteil.
Metnin kaynağı: Kamu malı arşiv
Bu şiiri puanla
Henüz puan verilmemiş