E daj cont sto chez-nous
C Carlo Porta
0
Altın Yaprak
E daj cont sto chez-nous: ma sanguanon!
Subet ch'el gh'ha sta gran cuccagna in Franza,
ghe va tant a andà foeura di cojon
e a tornà a cà a godella sta bondanza?
In quant a nun, s'el ne usa st'attenzion,
in contrassegn de grata regordanza
el scassem subet giò del tabellon
di balloss e di porch senza creanza.
Anzi, ch'el varda, vuj ch'el preghem fina
de no fà olter quand el riva a cà
che parlà maa de nun sira e mattina.
Inscì almanch podaravem lusingass
che paricc finalment, dandegh a trà,
barattass en el sit d'andà a seccass.
Metnin kaynağı: Kamu malı arşiv
Bu şiiri puanla
Henüz puan verilmemiş