Fra Zenever
C Carlo Porta
0
Altın Yaprak
Bagaj, che sii amoros, che sii intendever,
De già che gh’avii gust de damm a trà,
Vuj contav on bell cas de fraa Zenever
Ch’el ve farà restà de mascabà;
Vel cunti senza franz nè saa nè pever,
Tal e qual l’hoo sentii anca mi a cuntà
L’ann passaa de sti dì de quell panscion
Che predicava al Carmen la mission.
Avii donch de savè inanz a tusscoss
Che fraa Zenever l’era on bon vivan,
Tutt scisger e buell, tutt carna e oss
Col medemm fondator di Franzescan;
E ch’anzi quell beato requiepposs
Che adess goden in ciel sti duu Cristian,
L’han quistaa insemma in l’istess lœugh tutt duu,
Vun con l’offizi, e l’olter col cazzuu.
Metnin kaynağı: Kamu malı arşiv
Bu şiiri puanla
Henüz puan verilmemiş