Per burattà se droeuva el buratton
C Carlo Porta
0
Altın Yaprak
Per burattà se drœuva el buratton,
Per pontellà se drœuva di pontij,
Per limà e scopellà, limm e scoppij,
Per stangà e bastonà, stangh e baston;
Se drœuva per stoppà di stopporon,
Per martella se drœuva di martij,
Per imbrià di brucc se drœuva i brij,
E per scopponà sù, di bon coppon;
Per inredà i merlott se drœuva el red,
Per sganassà a l’ingross di bonn ganass,
Per inspedà polid se drœuva el sped;
Ergo donca l’è cossa che la va
Sœulia, sœulia, polid e del sò pass
Se drœuven i orghen per organizzà.
Metnin kaynağı: Kamu malı arşiv
Bu şiiri puanla
Henüz puan verilmemiş