Quand passi de la Piazza di Mercant
C Carlo Porta
0
Altın Yaprak
Quand passi de la Piazza di Mercant,
E che vedi a brusà di mercanzij
In mezz a on sere de ozios, de tôff, de spij,
Ridi de cœur ch’hoo mai riduu oltertant.
Ingles mincioni, dighi, arziignorant!
Credevev fors che nun fussem de quij
De inorbì coi vost strasc, coi speziarij?
On cazz! vardee, vi brusem ben d’incant.
Nè ve credissev nanch che sti falò
Se pizzassen domà per gust del re
In pubblegh e sui piazz? Mai, mai, ohibò!
I femm anch nun tra nun per nost piasè:
Anzi on disnà nol ne fa mai bon prò
Se nol sa on poo de gremm del vost caffè.
Metnin kaynağı: Kamu malı arşiv
Bu şiiri puanla
Henüz puan verilmemiş