Quand vedessev on pubbleg fonzionari
C Carlo Porta
0
Altın Yaprak
Quand vedessev on pubbleg fonzionari
A scialalla coi fiocch senza vergogna,
Disii pur che l’è segn ch’oltra el salari
El ghe mett lu del sò quell che besogna.
Quand savessev del franch che a l’incontrari
Noi gh’ha del sò che i ball ch’el ne bologna,
Allora, senza nanch vess temerari,
Disii ch’el gratta senza avegh la rogna.
Quand intrattant ch’el gratta allegrament
Vedessev che i sœu capp riden e tasen,
Disii pur che le segn che san nient.
Ma quand pϝ ve sentissev quej ribrezz,
Perchè a dì che san nient l’è on dagh de l’asen,
Giustemmela, e disii che fan a mezz.
Metnin kaynağı: Kamu malı arşiv
Bu şiiri puanla
Henüz puan verilmemiş