Subet che sevem sett a on tavolin
C Carlo Porta
0
Altın Yaprak
Subet che sevem sett a on tavolin,
E che gh’eva de sott quattordes pee,
Come fala mò a dì, sura Lenin,
Che i pee che l’han toccada even i mee?
Come fala pϝ a damm tant del gingin
E del cisquitt che ghe sussiss adree,
Quand podarev crepà in man de Ciocchin
Se m’è mai soltaa in eoo de pensà a lee!
Sto strapazzamm giugand a induvinà,
Cara sura Lenin, l’ha de capì
Che ghel poss propi minga perdonà.
A men che l’abbia ditt che sont staa mì
A toccalla coi pee, perchè la sa
Che coi man già gh’hoo on schivi de no dì.
Metnin kaynağı: Kamu malı arşiv
Bu şiiri puanla
Henüz puan verilmemiş