Terra e mare

— Siéu la Terro: ma tèsto bloundo AE soulèu de mai resplendis. — Iéu, siéu la Mar lindo e proufoundo. La Mar bluro coumo un lapis. Coungrèion de perlo, meis oundo; Ai l’augo verdo per tapis. — Mar, à mei pèd la moufo aboundo; Moun sen recato lei rubis. A mai de pèis, ma roucassiho, Que tei couelo n’an d’auceliho, E lou cèu si miro dins iéu. As pourta Caïn: Arrié, Terro! Que sies tencho, meirastro fèro, Dóu sang d’Abèl, dóu sang de Diéu. .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(S.º D.º di Marsiglia).(La Calanco, Vol. I).