A Federico Mistral

De Marselho à Bourdèus, en plano coumo ’n serro, Tout felibre es toun fil, touto terro es ta terro, De tas valentos mas as sentit las susous; I as semenat trento ans, mès de tas segassous Podes èsse pla fièr? A tas garbos daurados Estacos, cado joun, de nouvèlos manados, De nouvėlis espics. Dins nostres prats sans flous, Toun auro miejounenco espelis de broutous Apasimats dal freit, e ta voux enlusido Derevelho pertout qualquo muso endourmido. Pèr nostre cèl cremous, à cado festenal, On diriò qu’a passat à toun cèl prouvençal D’estèlos à manats que, sur la routo soumbro, Vergougnous per nous aus, alucos dins nostro oumbro. E le senet grandis, e, d’un mème voulè, Cadun se fa felibre e vol segui ta lè! .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(S.º D. di Lavaur (Albigese).(Le Lengodoucian — A. 1892, N. 3).