Gönülde Bin Gamum Vardur Ki Pinhân Eylemek Olmaz

Gönülde bin gamum vardur ki pinhân eylemek olmaz Bu hem bir gam ki il ta’nından efgân eylemek olmaz Ne müşkil derd olursa bulınur âlemde dermânı Ne müşkil derd imiş ışkun ki dermân eylemek olmaz Fenâ mülkine çoh azm itme ey dil çekme zahmet kim Bu tedbîr ile def’-i derd-i hicrân eylemek olmaz Sahın gönlüm yıharsın pendden dem urma ey nâsih Hevâ-yı nefs ile bir mülki vîrân eylemek olmaz Dehânun üzre la’lün istemiş dil def’i müşkildür Görinmez hîç cürmi yoh yire kan eylemek olmaz Du’âlar eylerem benden yana bir dem güzâr itmez Ne çâre sihr ile servi hırâmân eylemek olmaz Fuzûlî âlem-i kayd içresin dem urma ışkundan Kemâl-i cehl ile da’vâ-yı irfân eylemek olmaz