Sonetto (Charles-Brun)

Passarai lou lindau d’aquel mas benastrat Ounte noste pantai se flouriguet de joia, E gacharai l’enclau, ounte, d’un rai de gloria Moun vers auriolava antan toun pèu daurat. Dins l’ort que noste cor sap pas pus delembrà La trelha a vist l’autouna anequelì sa fiolha, E tout escàs se met un rebat de belolha Lou sourel ivernenc sus l’aubre espelhandrat; E beleu una femna, autant que tus poulida, Espera qu’au jardì la flou siegue espelida, E se languis e raiva à l’eterna cansou. Es qu’un fum de poutous voulastreja dins l’aire, E nous sem tant aimats dins aquel recantou Que chaca grelhounet encara n’a lou flaire. .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(S.º D.º di Montpellier)(Op. separato).