La lucerna
J Joseph d'Arbaud
0
Altın Yaprak
De l’aubo à jour-fali, gibla sus lou travai,
Paste la terro molo e l’aigo dins la baio,
La mouto es lisco e souplo e tóuti mi terraio
Li gaubeje à ma modo e caduno a soun biais.
Fau l’oulo de l’oustau, lou fournèu de la barco,
De gerlo pèr lou vin, l’aigo douço o lou mèu.
Sus li coupo redouno e li pichot calèu,
Retrase moun idèio e fau briha ma marco.
De-fes buta pèr moun pres-fa, maugrat l’escur
Entre soupa, me groupe mai à la vihado;
Pèr me teni de lume e passa la niuechado,
Dins mi calèu de terrò atube l’òli pur.
Metnin kaynağı: Kamu malı arşiv
Bu şiiri puanla
Henüz puan verilmemiş