Laura a Valchiusa
J Joseph Loubet
0
Altın Yaprak
Dardaio lou soulèu. Alin souto l’oumbrino,
Dins la coumbo adourablo ounte la Sorgo ris,
Maridant soun cascai i piéutage di nis,
Pensativo e plan-plan es Lauro que camino.
Se remèmbro belèu d’aquèu divèndre-sant
Mounte lou dous Petrarco, ignourènt d’elo encaro.
L’avistè dins la nau sourno de Santo-Claro
E sentiguè subran se jala tout soun sang.
E Petrarco despièi l’a cantado, e fai flòri!
Lou rèi Roubert a di: «Preferisse si vers
A ma courouno!» Soun renoum tèn l’univers,
E lou triple lausié cencho soun front de glòri!
Metnin kaynağı: Kamu malı arşiv
Bu şiiri puanla
Henüz puan verilmemiş