Ad una regina
J Jules Boissière
0
Altın Yaprak
Rèino, s’erian au tèms di galant chivalié,
S’ère duque oungrian o patrice à Veniso,
— Emé negro cuirasso, em’escut sèns deviso,
Pèr tu m’avançariéu dins lou prat bataié.
Me veiriés destrouna li plus fièr, li plus brave,
Li dono m’adurrien lou brout de lausié verd:
Alor, aussant la tèsto e lou front descubert,
Cridariéu que sies bello e que siéu toun esclave.
Las! a passa lou tèms, lou noble tèms di vièi;
Poudèn plus counquista la courouno di rèi;
Sabe rèn que canta ta gràci e ta noublesso.
— Mai pamens sian bèn tiéu di chivalié d’antan;
Miés qu’èli t’ai garda la fe de ma jouinesso,
E, coume l’Emperaire, ai espera sèt an.
(Armana prouvençau).
A. 1892.
Metnin kaynağı: Kamu malı arşiv
Bu şiiri puanla
Henüz puan verilmemiş