[zulu, Inkondlo] Umkhuleko
L LLM Mbatha
0
Altın Yaprak
Ngiphe inqondo yokuqonda
injongo yamazulu aphezulu
Ngincindise intando yokuthanda
ngothando lokuthanda umakhelwane
Ngivule amehlo okubona
ngibone ezakho ezimhlophe
Thetha amaqiniso okuqinisa
idolo lesizwe sakhithi
Hlanza okwenhliziyo okomoya
nokomzimba kula-magade ahlabayo
Ngithobise ngokuzithoba kokwazi
ngiwuthuli namanzi no-musa
Ngithele ngentethelelo yokuthethelela
ngikhululeke okwenyoni emoyeni
M'Dali wezizwe namazwe
M'Veli owavela kuqala
M'Bumbi wobuntu besintu
ngikhumbuze ngobuntu bomuntu
Bu şiiri puanla
Henüz puan verilmemiş