Ad una testa di marmo

O triste cap malbrenc! Toun ilh à miéch curat, Jous sous parpels duberts de blancour ibourino, Semblo persiègre encaro un sòmi malcourat Qu’embauriò toun esprit coumoulat d’escurino. Pensos al temps urous ount te veziòs oundrat Dins le temple ufanous d’uno ciutat latino, Al temps ount dourmissiòs dejoust un camp laurat, Despartit de toun cos e cubert de patino. Dins le tiu siau regart on legis que l’anuch Toun eime noustalgic lassat d’aqueste bruch, Vouldriò tourna durmi dins le sé de la tèrro. Es aqui le repaus, lenc del nostre baral, Ount res ven pas jamai per nous faire la guèrro; E soun poutou, belèu, es un poutou mairal. .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(S.º D.ª del Lauraguais)(Op. separato).