Il crisantemo
L Louis Bard
0
Altın Yaprak
Bianco coume la margarido,
Vestido de sedo e d’or fin,
S’estalouiro quand lou plouvin
Filtro à travès de l’embrunido
E nevo subre li camin.
Si rai, coume li de l’estello,
Que tremolo dins lou cèu blu,
Soun pur e bevon li belu
D’un pale soulèu que li belo,
E bèn lèu l’escaufara plu.
S’espandis ’quelo flour tant gènto
A l’arribado dóu rigau,
E nous encanto e nous fai gau,
Quand de l’ivèr, fresco e risènto,
Se balanço sus lou lindau.
Metnin kaynağı: Kamu malı arşiv
Bu şiiri puanla
Henüz puan verilmemiş