Il titano
L Louis Moutier
0
Altın Yaprak
Ero un Titan, desenemi de Diou,
Que se disió dins ’no lengo brutalo,
Grand rei jayant de bouchasso naciou.
Vouguè pouyà lou ciè daube une eichalo
Facho de mounts acuchas sus de peuis,
Li-aventarei, si diguè, e peuis,
Picha au frant, Diou prendró la deivalo.
Enchastelè l’Angello e lou Ventour,
Sus lou Veimount animei sus Glandasso,
E quand fugué tout dre sus la nautour
Diguè: li siou! Oh! li sias a ma plaço!!
Espèro un pau, fei lou Mestre dou fió,
E bròu! un trounaire lou tió,
E dóu jayant ravouro la carcasso.
Espóurissant fuguè lou brantamen
Vès lou mati, per las Aupas enteiras.
Metnin kaynağı: Kamu malı arşiv
Bu şiiri puanla
Henüz puan verilmemiş