Baci rubati

Se vou’n souven pas, eren cauta à cauta; Dessus vosta gauta Prenguere un poutou. Moun cor cremadis, ô bruna poulida! Moun cor sentiguet alor l’espelida De la flou d’amour, de soun gent boutou. Devignaves pas per que vous raubave Aquel hai tant siave, Tant fres e tant dous? Mais de tant bon cor vous quitaves faire, E ieu ere tant esmougut, pecaire! Que dins moun bauchun n’en prenguere dous. Desempioi sabès que vous aime, Jana; Ma bouca proufana Dessus vosta man. S’es pausada pioi; mais voudriei, moun ama, Vous dire que, per respondre à ma flama, N’es pas de besoun d’esperà deman .mw-parser-output .sindes{display:inline-block;height:1em;text-indent:0}.mw-parser-output .sindes>span{position:absolute}.mw-parser-output .sindes>span:first-child{left:0}.mw-parser-output .sindes>span:nth-child(2){right:0}(S.º D.º di Montpellier)(L’Iòu de Pascas — A. 1883).