Da Maillane a Saint-Rémy
L Ludovic Legré
0
Altın Yaprak
Dóu felibren cantoun de soun poulit Maiano
Ounte noste Mistrau a soun pichot jardin,
Se vèi, entre mitan di sause e di platano,
Sant Roumié que blanquejo au bout d’un long camin,
Plasènto es l’encountrado, e tambèn dins l’andano
Ei dous de camina, l’estiéu de bon matin.
Tout es gai, risoulet, afrescouli; l’eigagno
Coume milo perleto a samena si plour
Que pènjon trelusènt, ì fueio di barragno;
Lou boutoun se despiego e s’espandis la flour,
Mudo encaro, e tranquilo, eilalin la campagno
Trespiro que la pas, la jouinesso e l’amour.
Metnin kaynağı: Kamu malı arşiv
Bu şiiri puanla
Henüz puan verilmemiş