Li me' sunetti
N Nino Martoglio
0
Altın Yaprak
Ju li cugghivi 'mmenzu li lurdumi,
'ntra li taverni, 'ntra lu lupanaru,
unni lu nostru suli e tantu avaru
di luci, nè virtù, nè c'è custumi.
Ju li cugghivi unni paru paru
lu sangu allimarratu scurri a sciumi,
unni lu scuru è fittu e c'è pri lumi
sulu ocche luci luci picuraru.
E li cugghii di notti, sgammittati,
tast'iannu comu l'orvi muru muru
e zuppicannu comu li sciancati.
Pricchissu, ed anchi pricchì su' sicuru
chi a fari lustru non su' distinati,
ju li vosi chiamari:'' "'o scuru, 'o scuru"''
Metnin kaynağı: Kamu malı arşiv
Bu şiiri puanla
Henüz puan verilmemiş