A netter Troscht

„Potz heidenei! Wer wird au greina. Wenn draußa d’ Frialengssonna scheint, Ond horch, wia d’ Vögela hent älle Sich zom a Friahkonzert vereint! – Es hot jetzt lang gnuag g’schneit ond g’regnet, Ond ’s treibt ond blüaht jetzt iberall, Drom, Kend, gib frei da Weg zom Herza Em erschta Frialengssonnastrahl! – – Was moinscht, dei Schatz käm nemme wieder, Er sei der bös fir älle Zeit? Ach was, der wird scho wieder komma, Komm doch amol, Kend, ond sei gscheid, Wer wird au glei a Pfändle macha, Gang, Maidle, nemms net gar so schwer; Woischt was, bis sich dei Bua hot bsonna, Schtreckscht mir derweilscht dei Göschle her!“