Hür und Färn
P Paul Haller
0
Altın Yaprak
Säit mr nächt dr Ammehans:
Chum is Chrüz, i zahl dr äis!
Sägi zuenem: Mira woll,
Aber Schmützli git’s ekäis.
Iez han i en andere gärn:
Hür isch anderst weder färn.
Hütt isch schon es Johr verby,
Mynen isch mr uf und drus.
Schlychi z’obe tuch und müed,
Trurig gäge ’s Ammes Hus.
’s isch gar feister, s’schynt käin Stärn:
Hür isch anderst weder färn.
Woni lang am Schöpfli stoh,
Chunnt de Hans und lacht mi a:
Lisi, säit er, hani gmäint,
Häigisch du scho lang en Ma.
Iez han i en anderi gärn:
Hür isch anderst weder färn.
Metnin kaynağı: Kamu malı arşiv
Bu şiiri puanla
Henüz puan verilmemiş