Taurento

Emé si nàuti tourre e sis arc triounfau, La vilo dins lou mar, d’un cop s’es prefoundado. La terro a tremoula e li gràndis oundado Ali reboumbi coume un troupèu de blanc chivau. Pièi plus rèn! mai se vèi dins l’aigo li frountau Di tèmple e di palais: souto li coulounado Se vèi encaro Diano e Venus debaussado Que blanquejon dins l’aigo, esperant lou signau. Car, que passe lou tèms! que boufe la chavano! L’amo de moun païs es uno amo pagano. Li Diéu remountaran subre si pedestau. E Taurento que vuei s’alongo dins la broundo Emé soun pople de mureno e de roucau, Taurento sourtira plus bello de sis oundo. (Armana prouvençau, A. 1896).