आं आरो आंनि गोसोनि हिनजाव

रायजो नाङैनो जायखौ बिदायहरनाय जादोंमोन एबा जाबाय बै आबौआ दा फैफिननाय नंलिया दिनैनि दुनियाआ दा आबै-आबौमोननि थाखाय मेगनजों नायथाव नङा, गोसोजोंबो फसायथाव नङा प्रेटल डिजेलनि दावराव आरो निउक्लियार जाहाज उरांनि बाथ्राखौ आरो मा होननानै बुंबावनो? जिखिजाया बेनिनो गेजेराव आं उनदुबायथायो सम बेसम आंनि गोसोनि हिनजावआ मोदोम बुनानै बुङो- नै, खोनासंलाय, खोनासंलाय खोनासंलाय सियालसो फैदों ना साखन्द्रासो फैदोंथाय ज्राव ज्राव होनदों, हुरा हुरा जुथानि सोदोब आं बुङो मोजाङै उदिस खालामनायनि उनाव साखन्द्राबो नङा सियालबो नङा बियो अदेबानि बियो मोसा जारौनिनो आसुगुरनिसो सोदोब बिसोर फैदों स्रोद स्रोद, स्रोद स्रोद स्रोद बिसोर फैदों फैदों माने फैदोंबो फैदों नोंनि गोसो खावनो फैदों मानोना दा दुनियाआव फालांगिया गोसो फालांगिफोरानो बांसिन हुसियार आं बुङो नोङो जेब्लाबो आखायाव सिखा खंखाय गंसे लानानै थाबायथा जाय सिखाजों आबौआ हाग्रा बंग्राखौ दानस्रांना जुमनि आबाद खालामोमोन गावनिल' नङा गावनि फिसा फिसौफोरनि उदैनि थाखाय जुमनि बिबारनि फिथाइनि मोदोमफ्रुआव बिरबोयोमोन उवां दाउ आलेरा गोबां मुं मिथिजोबै दाउसिनफोर बाह! गोरान बोथोरावबो दाउसिनफोरनि गारांआव सिदोमा जाखाङो बैसोमुथिनि बिखा मोखांआ जोंखाङो गोसोआ औवा मेवाइ एबा थाइलिर फस्लाबादि आज्लंखाङो दा नों आंनि गोसोनि हिनजाव आंनि खोथाखौ मानिनानै ला नोङो नङाब्ला जानानै लोगोनबो मिथिखा गावखौनो