आं बिबायारि नोँ होगिरि
R
Ronjoy Brahma
0
Altın Yaprak
आं सासे लामा गोमानाय
जेरैबो नुहरस'यै मिथिस'यै
आलाय सिलाय मुलुगनि।
आं नोँखौ नागिरो
नोँखौ नागिर नागिर थाबायो
नाथाय आं मेँग्लिहाबो,
सानहरा दिनैसिम गोबां थांबाय।
आं बिबायारि नोँ होगिरि ।
मोजां देरा नागिरो आं जेब्लाबो
नाथाय आं खाना दाबो
हाखर हाला, लैथो बिलोआव
आं दाबो गब्रयो ।
आं रंजायो गोजाव गोजावनो
आं मेमब्रायो बिलो लैथोआव
आं नागिरो नोँखौ गिरि
मेँग्लियो आं जेब्लाबो।
नोँनि गोदै मुंखौ खोनायो
नागिरो आं जेब्लाबो,
खुगायाव मख' मख'
सोँबायो आं जेरावबो।
थाबायै थाबायै मेँख्लाबो
देहाया सोरलाब जालाङो
नै गिरि आंनि गासैबोनि
मागियो आं अन्नायखौ
नोँ अनसुला गिरि
नोँ जेब्लाबो अनसुला
नुवासो जाबाय नोँखौ दाबोनो ।
आं खाना गिरि
मिथिस'यै आं खाना
आं बिबायारि गिरि
अन्नाय मागियो अरायबो नोँनि
नोँखौ नागिरो गिरि आं
नोँनि दान मोनगोन आसायै ।
आं बिबायारि नोँ होगिरि ।
Bu şiiri puanla
Henüz puan verilmemiş