आं बुंखादोंमोन
R
Ronjoy Brahma
0
Altın Yaprak
माब्लाबा सानैजों बिफां सायायाव
फरायसालियाव
आरो लामा सामायाव लोगो मोनलायनाय समाव
आं बुंखादोंमोन
जोबोद अखा हानाय समाव
अखा सिजानाया मोजां नङा
ना गुरहैनो नाङा
थास' बिबार नागिरनो नाङा
बेरे फुंजानि खारौ खान्दाइ बिबार खननो दाथां
नोंथ' अखायावनो अहाजासे गेलेबायसो
दानिया नों लोमजानानै थानांबाय
गामाखालिनि बादि नों दानिया आंखौ गाथोन सेराव
लोगो हमनो फैनो हालिया
आंबो नोंसिनाव थांनो हाया
नोंसिना आइया आंखौ जोबोद रायो
आंनि गोसोआवदि नोंजों रायज्लायनो बेसेबां बाथ्रा
जमा थाखोमानानै थायो
जायफोर बाथ्राखौ नोंनो बुङाब्लानो आंहा गोजोना
दानिया आरो दाबलसो जाबावबाय
नोंनि लोमजानाया माब्ला हामगोन
बेनि जिंगाया आंनि मेगनाव दै बोहैहोयो
हर आरो सान गोरबो बिखायाव अर सुखाङो
Bu şiiri puanla
Henüz puan verilmemiş