आं मोजां मोनो बेखौ। नाथाय बेयो मिथिया?
R
Ronjoy Brahma
0
Altın Yaprak
आं मोजां मोनो जायखौ
बियो मिथिया?
आंदि सिरि सिरिल'।
आं हास्थायो बिखौ,
नोँ माबा बुंनो?
माबा गोरोन्थि दं नामा आंहा?
उन्दैनि सावगारियानो गोमोरा
बेनो बावगारनो होआ आंखौ।
बियो आंजोँ सावरायो
मोजांङैबो मिनियो, लाजिस्लु
नाथाय गावनो मिथिया?
मानोदि लाजियो सिखावै,
नाथाय आं मोजां मोनो
गोदै मिनिनाय बिनि समायना
मुंआ जेरै रैसुमै ।
बियो मोजां मोननाय मेगननि
मोब्लिबगासे गोरोन्थि नङा,
आं सानो लाइमोन बैसोनि,
समजोँ समान मोजां मोननाय,
नाथाय बेदिब्ला,
आं बावगोन नामा?
मोजां मोनफ्लायाखैथ' आं?
गोरबोआव जायखौ बोजब्बाय
बियोदि नाथाय दाबो उदां आंनि
बेयो सिमांसो नामा?
जौमोना मानिया,
उन्दैनि सावगारि
दाबो दंथारो समनि सिरि सिरि।
आं मोजां मोनो बेखौ
आं मोजां मोन बेखौ
नाथाय बियो मिथिया?
Bu şiiri puanla
Henüz puan verilmemiş