आं सासे गोख्रों बिबायारि
R
Ronjoy Brahma
0
Altın Yaprak
दिनैखौ लानानै बेसेबां सान थांखो
आंनि आखायाव हिसाब गैया
सानरेब लिरनायनि हुदाखौबो गोबावसै नागारनाया
नागारनांदों
बै साननिफ्राइ दाबो आं आदामारा जानानै दं
बिसोर आंनि बिखुं साजों गंसे गारि सालायलंदों
गोसोआ दाबो आंनाव दं
नाथाय बेयो दा बोलो गैया
गावनि गां रजनायखौ लामा नायनाय दाउसाबादि
नेनानै थानांदों आंबो मोनसे सम
जाय समखौ आं रंजानायजों फालिजेनगोन
सानसेखालि सासे बिबायारिया आंनो फिननाय होदोंमोन
उखैनाय मानसियासो मिथियो
उदैया बेसेबांदि गाबगासिनो दं
आरो बेसेबां आलौगासिनो दंं
सानदुं अखा सिजानायखौ मा बुंनो
आंनो फिननाय होलांनाय बै बिबायारिनि उखैनायानो
आंनावबो नांबाय आरो आंनि उदैयाबो बिग्रायखांबाय
थगायनाय सोलिनायखौ सहायनो आरो हालिया
गाबफ्लानाय मिनिफ्लानायखौ सहायनो हालिया
आंबो दिनै सासे बिबायारियानो जाबाय
नाथाय आं सासे गोख्रों बिबायारि
नांगौ दिनै उखैगानायनि थाखाय
बोथिसे ओंखाम
दाबोरसे खुसियै उनदुनो गोजोन गंसे देरा
आरो गंसे दावगालांनायनि सोरां लामा
Bu şiiri puanla
Henüz puan verilmemiş