आं थैनानै थांबोला

जेरबासे गोथौ हाखर जावनानै गुसु सुदेम मिनिखुसि रंजानानै नोँसोर आंखौ गासो गासो फब - आं फेरलेबसे गोरोन्थिखौबो रोहो रोहो अराव बावनो हायै नांलायनायखौ लैथोआव फोजावहर नोँसोर आंखौ रंजायै रंजायै फब - मुवा मोनसेबो दाहर नोँसोर आंखौ आखाय सोमावहर साननि दुंनायजोँ खामग्लि जागोन बिनि गेजेर गेजेर आं बिरलांगोन - नोँसोर आंखौ बावहर नोँजोँ गेलेनाय गले गले जंखायनायखौ खोलानि बाराव गारहर - गोदै गोथाव फिथाइ सामथाइ रैसुमै मोदोमनाय अराव सावनानै नोँसोर आंखौ बावहर जायनिफ्राय फैदोँ बेयावहाय थिनहर - थांगोन आं मोदोमनाय जोमै जोमै गोजोन गोजोन बारजोँ आफानि देरायाव बाज्रुम हैगोन नेनायनि बादायाव ज'नानै लोगो नोँनि दिङाखौ थागोन नेनानै।