आं थांनानै थायो सोदोबजोँ
R
Ronjoy Brahma
0
Altın Yaprak
आंनि जिउ
आंनि सोलेर
सोदोब मोनफा मोनफा सोदोब।
आंनि गोरबो
आंनि गोसो
सोदोब मोनफा मोनफा सोदोब।
जौगानाय-गोग्लैनाय
थैनाय-उजिनाय
सोदोब मोनफा मोनफा सोदोब।
आं थांनानै थायो सोदोबजोँ
बेनिखायनो बुथुमो सोदोब,
गोरबोआव बाथुमनाय सोदोबफोरा
फोरमायो आंनो मिनिस्लु-
सोदोबा बेँखनदोँ मुलुगाव।
आं सुबुं, आं जिबि
राव-फाव, गान्नाय-जोमनाय
महर- मुस्रिया मानसि;
गासैबो सोदोबजोँ बेँजानाय
बेनिखायनो जिउआव सोदोब।
आं थांनानै थायो सोदोबजोँ
मुंआ सोदोब रनजय
थानाय, जानाय, रंजानाय
गासैबो हाबायाव आखाय आथिँ सोदोब
आं गेलेयो सोदोबजोँ
बेनिखायनो मोजां मोनो सोदोब।
थैनाय हाबाब थैनाय
बेबो सोदोब खोमायाव रिँनाय,
थांनाय हाबाब थांनाय
बेबो सोदोब मोकथांआव,
देरहानाय-जेन्नाय,
गोमानाय-नुजानाय
सोदोब गासैबो सोदोब
मेगनाव, मेगननि खोमायाव;
आं थांनानै थायो सोदोबजोँ
बेनिखायनो होज्रिख्रावो सोदोब।
आंनि सोलेरा गैया जालांगोन..
आंनि जिउआ रुंगलांगोन..
आंनि महर मुस्रिया गोमोरलांगोन..
आंनि मेगन।गोजोँ मेगन
बेबो सानसे गलिना थांगोन
होस्रिख्रावगोन रिँहाबनाय सोदोब
रिँबाय थागोन मुलुगाव-
आं थांनानै थायो सोदोबजोँ।
Bu şiiri puanla
Henüz puan verilmemiş