आबौ/ आबौनि हाबायाव थाख्रि फाल्ला

बोनानै हाबा लायाखै आबौआ खारसन्नानैबो जुलि जाफैयाखै आबैया समाजनि नेम-खान्थि बादियैसो आबौआ बुंगारदोँलाय- आबैखौ नायनो थांनायाव ग्रुम ग्रुम अखा खोरोमाखै आबैया नोरोमथार बेखायनोसो आबैखौ नायनो थांनायाव नेवलाय बुन्दाया आग्दानिफ्राय आगसिथिँ आगसिनिफ्राय आग्दाथिँ जिबौ बारस'वाखै रबिबार स्रां स्रां सानाव थांनायलाय आबौआ नुहैदोँमोन आबैखौ गोलोमदै बोहैहोना- माय लामनाय सिलायाव सिगांनि बाथ्राया थाथ'थोँसै आबौनि हाबाया जोब्बाय दामनाय देनाय बेमनि देँखोआ जोदोमबाय हौवा गोदाननि जै हिनजाव गोदाननि जै गिसिब सिबै सिबै बरायनाय सिन्दुर फुन्नाय गिर गिर अर सेराव आह्बान आर'ज आवरायनाय गिर गिर जोँमायाव आहुतिनि फोर्साद होनाय पुर्णआहुति होनाय ललिनाय आरोबाव जि गोथार बना दाह्रा सायाव जिरायनानै रायजो राजाखौ खुलुमनाय मोनसेनि उनाव मोनसेयै साहा लोँनाय ओँखाम जानाया थांबाय रावबो बारग'वा बारग'थारा आबौनि हाबायावबो थाख्रि फाल्ला थाइसुम बुरैया मोसादोँ सेर सेर दाबाथि लाफाथिमोन दासि बुरैया मेथाइ खन्दोँ सेर सेर करास बिँगि दुंगिमोन सनाथि मैनाथिमोना आफा खबदोँ लावां बुदां आरो दामफ्लामोना थोरसि लथा खुरै दामदोँ गथ' गथाय बयबो नायगोमोयो गोसो गुदुं जेरावबो जेरैबो खननो मोसानो आखा फाखा बाज्ल' बाज्ल' आबैयाबो खुसियैनो गोसो होना मोसादेरोनो आबौआ जारलासो जाबाय बेसारा! हरसेमानि थेनथ'लाय सियायलाय उन्दुलाय सिरिमोनलाय।