आबै गालि (मोनासि मोनासि समाव)

न'आवनि मोसौ हालुवाखौ लासै लासै बोदोँमोन। फाल दानख्लाब जानाय हालुवाया लावहाबलायनाय थाबायदोँमोन। गंखु जानाय (दबनाय) आबैया लेर लेर इन्दि (बिलाइ) रुजुनदोँमोन। गागेबगेब खावलाय खुगाजोँ म' म' बिड़ि बोदोँमोन। जोबोद गोमोथाव नायथाव लुन लुन उखुन्दै हगारदों। हांगारनाय गोसोम मोखांआव इन्दि थफ्लाया खोमसिसिन खालामदोँ। नायगोमो हाबदोँमोन आं आबै गालिनि मोखां। लासै लासै आंनि सेरजोँ फब फब आबैया उखुन्दै हगारदों। जग्रबसे लामानि लोखोना बिफांजोँ आङो एरायना थादोँ। हरखाब बेरे जथाया आंखौ जोदोँ हरखाब हुसआव आङो बाग्दावदोँ। आबैया सिबाय आद्रि आद्रि गोग्लैदोँ (आबैया बिख्लो गोबाथार) । दाया आबैनिखा नाथाय.... गंखु जानाय आबैया.... लासै लासै बोखाङो आं। आंनि सानायासो दाबो दं मानसु सासु खुरबाय थानांदोँ।