आबादारिनि जिउ: आघोननि दुब्लि

आघोन! बाह'. बेसे समायना सुदेम बोथोर….. फुंनि निहिर हिरामुथि जानानै थाजिम खालामो सना बिदां मायनि गोरबो आरो बेसेदि समायहोयो सना बिदां माय दुब्लि आघोनखौ बेबादिनो जिउ मोनखाङो मावथि आबादारि गोरिब नखर। दैज्लांनि अखा मोफ्लामनाय सार अन्थाइजों बर'फ गोग्लैनाय फुंआव एबा सम सम खरानजों जुजिनानैबो आबादारि नों हालखौ जुरिदोंमोन । दाउज्ला गाबनायखौबो फेजेननानै…. सान ओंखारनायखौ लामा नायाखैमोन मावनायनि फिथाइ महरै नै मावथि आबादारि….. नोंनि आखायाव दिनै आधोना होफैबाय ओंखाम गोरलै आरो बाख्रि बुंजासे मायनाव। बे बोथोराव गोदान जिउ मोनफिनबाय मिथिंगा अनसुला आबादारि गामिया आंखालनि जेखबनिफ्राइ रैखा जाबाय! नांगोल मुथिजों सुजुनाय जिउनि मेथाइ आंखालजों बुग्लेमजानाय गोरबो दिनै रिंखांबाय ओंखाम गोरलै आरो मायनाव जानानै; लाथिख' जानाय सनस्रा उदैया दा गोजोनग्लायबाय। आबादारिनि मोखां आरो आधोन दा बेसे समायना….! आधोना रंजालु सोमखोर अखोरां नायदावनानै आबादारिया दा सुजुयो गोजोन इयुन नखरनि हारि आरो हादोर मुलुग गोजोननि ।।