आखायजों थाबायनायनि उनाव
R
Ronjoy Brahma
0
Altın Yaprak
आखायजों थाबायनायनि उनाव
अख्रांआव खेबसे आगान होबाय आं।
सिद्लायाव सानस्रिनायनि उनाव
दैसायाव खेबसे आरो गोबांबार सानस्रिबाय।
उथ्रियै उथ्रियै दा आंहा
जोमै जोमै जेथोजों जुजिना बिरबायनो
बारजों बार बिरबायनो
बुब्राबगासे गां रज'बाय।
देरहायै देरहायै दा आंहा
हिमालय एभारेष्ट हाजो गाखोनो
मुलुग मोनसे संसार गिदिंनो
थोंनै आथिंआ लावसिनबाय।
आंनि गोसोआ अरदों आरो अरदों
गंसे मुलुगखौ गोबाथुमनो,
आंनि सोलेरा देरदों बोलोआ बांदों
गुबुंले मुलुगखौ फेजेननो,
दा आं सासे जोहोलाव
सुनाय हायै गोहो आरो बोलो साहसनि,
दा आं सासे ब्रह्मसारि
सोलोंनो मोनबो जिंगा गैयै।
नांगौ आंनो रुगुं गैयै-
मोनसे लैथोमा सानस्रिनो आनजाद,
नांगौ आंनो फैसालि गैयै-
गंसे अख्रां बिरबायनो,
नांगौ आंनो सिमा गैयै-
गंसे मुलुग अननायजों गोबाथुमनो।
बिलिरगोन मुलुगखौ आं
जेसेबां हायो
बिलिरजागोन बिजोंनो उनाव।
Bu şiiri puanla
Henüz puan verilmemiş