आंनि गासैबो गोमानो हमदोँ
R
Ronjoy Brahma
0
Altın Yaprak
फिथा सौराय सिथाव
एबा अनला मेवाइ मोनजाब्ला
आं गोजोनैनो जानो हायोमोन।
बोलोबो जायोमोन नार्जी
सबायखारै उराउद बेदरजोँ।
दा आंनि उदैयाव बैफोरो गैया
जाय सानसे जाना सानथाम जानाङामोन।
मार'आरि बांगालिनि रुथि थरखारिया
आंनि उदैखौ फोलोमनो हाया,
फारामनि ना बेदरा खुगानिल'सो,
गोजोन्नाय मोना आं
सिप्लेगासे क्रिम पनिर फापरजोँ;
अब्लाबो आं लुबैयो आरो लुबैयो।
नाथाय दा आंनि सोलेरा रान्दोँ
आखायनि हिसाबा लाथिख' जादोँ,
मानोना बै समनि बोथोरखौ आं गारबोबाय
(जेराव दंमोन आबै आबौ गासैबो,
आंखाल गैया ओँखाम दैनामैनि,
दंमोन गायहेन उवाल नांगोल जुंगाल आयजेँ आयला) ।
थिपुद्ला आं सोरनिबा उन उन-
बिसोरनि थं गुमुर जेबो मिथिया,
बिसोरो आंखौ बोख्लाबदोँ
एबा बिसोरो आंखौ थगायदोँ,
आंनि गासैबो गोमालांनोदि हमदोँ।।
Bu şiiri puanla
Henüz puan verilmemiş