आंनि गोसोथोनाय उराव सिख्ला
R
Ronjoy Brahma
0
Altın Yaprak
गोसोथोयाथ' आं गोसोथोबायमोन
मोजाङैनो सानै हयैनो गोसोथोदों
बेखौनो मानसिफोरा बुंसोलायगोन
गोसोथोनाया मेगन खाना होननानै
मानसिफोरा आंखौ बदनाम होसिगोन
बे फाग्लाया सोरखौ मोननांगौ सोरखौ गोसोथोखो
मेगनानो खाना जाबाय बिनिया
दुनियायाव एथ' समायना समायना सिख्ला दं
बे फाग्लाया उराव सिख्लाखौसो गोसोथोबाय होननानै
सोर बुजिनो सोरनिबा गोसोनि गासै बाथ्राखौलाय
गोसोथोनायाव गोसोम गुफुर गोमो गोथां
हारि दोहोरोम राव हारिमुनि जेबो सिमा गैया
बेफोर गासैखौबो आं मिथिगौ
बेनिखायनो आं उराव सिख्लाखौ गोसोथोदों
आइ आरो आफाया बिहामजो लांनाय नङा
गामिनि मानसिफोराबो मदद होनाय नङा
आंनि हारिनि मानसिफोराबो खुगाखौ सिरि दोननाय नङा
बेसे गेदेर बदनाम होनबा गोसोथोनाया
सम सम मानसिनि बाथ्रा सानै सानैनो सानफ्रांलाय लाङो
गैयाथाय गैया मानसि जानानै उजियैआनो साबसिनथारमोन
थेवबो उराव सिख्ला
नों जिंगा दासि मोननै हारिनि गेजेराव
गोसोम आरो गुफुर
गोसोम आरो गोमोनि गेजेराव मोजां मोनज्लायनायखौ
अराय फोथांनानै लाखिथारगोन जों
Bu şiiri puanla
Henüz puan verilmemiş