आंनि मोजां मोननायनि Soliloquy
R
Ronjoy Brahma
0
Altın Yaprak
आं आरो दा मा बुंनो हाबावनो लोगो?
दिनै नोंजों जिबादि रायज्लायबाय बेनि थाखाय गोसोखौ मोजांखौनो मोनबाय
ओरैनोथ' नोंखौ मोजां मोननानैनो आं थैखानाय मानसि
थांखांफिनगोनथाय माब्ला!
माबोरै बुंनो हानो नोंलाइ?
नोंखौ मोजांमोनदों आं
गाथोनाव अन्थाइ गोथां जसोनाय बादि
आरो आं दाहालागै गोदोलांबाय प्रशान्थ लैथोमानिख्रुइबो गोथौसिनाव
हराव नुनाय सिमांखौथ' बुंनांलियानो
आं आंनि इयुन बिदिन्थाखौ लाबोनानै मेगेलान जायो
आरो सारा मुलुगखौ दिङाजों बेरायो
आरो दं नों आंजों लोगोआव
गंगा यमुनाया एलाहाबादआव खुसियै लोगो मोनलायनाय बादि
एनजरनि बिखुंआव गाखोनानै
गनेस मोदायबादि नोंखौ नायनो लुबैया आं
नायनो लुबैयो सिफुंनि दोंसे देंखो जानानै।
बुंगौमानि एरगौ अखा थाइफ्रिनाय सोदोबफोर बादि
बेखिनियानो
बास् बेखियानो
बुंखाबायानो आं: आं नोंखौ मोजां मोनो
नोंखौ मोजां मोननानैनो थैखाबाय आं
रावबो दानिया आंखौ आरो बुथारनो हालिया
Bu şiiri puanla
Henüz puan verilmemiş