आंनि रैसुमैया गोरबोआव
R
Ronjoy Brahma
0
Altın Yaprak
जेब्ला आं जोबोद खुसियै न'फारसे फैयो
आंनि रैसुमैया फैफायो गोरबोआव;
बुजि मोनस्लाबा बोरै बिनि हायना
न'फारसे आं खुसियै फैफिनो।
जोमै बिलाइनि साया गोग्लैयाखै
समायना फामे बिबारनि हायना।
जेब्ला आं मेथाइ रोजाब रोजाब थाबायो
सिरि थाहाबो गोसो होना देँखो बोनाय
सुलेका, मेन'का आरो फुर्णिमा जनालिमोना
गदां खुज्रा बोहाबनो बावहाबो गोमोथावमोनहा।
आं थारै मिथिगौ
बहा बाज्रुमदोँ आंनि देँखोआ-
बेयो बोहै बोहै गोजोम हैदोँ रैसुमैनि बिखायाव।
जेब्ला गोदै मिजिँनि सेरजोँ थाबायो
रनसायलाङो आं हालिसे दाउथुनि सल'खौ,
आंनि गोरबोनि जिरख'नाय गुफुर रेबगनजोँ।
बियो गोदै अमबृतनि गिलासाव
गलाबनि बिदै उसिफावनाय सोलेराव
आरो बेसे मिलौहाब मानि फिथाइ बेदि-
नोँनि मुस्रि गोरबोजोँ बिलिरनाय।
जेब्ला साया माया नोँदि सौग्रावो
थाब हमथाना खुदुमो आंदि
गासैबो बिलिरना नोँखौ बोजबो आं,
रैसुमै मिनिस्लु हां बोनाय नोँदि
खारलाङो लासै लासै लामायाव,
सना, नोँ गासैखौबो मिथिया?
सोनाबनि मोनाबिलि नोँबोदि आंनि
जारौ मिनिस्लु सना फैसालिनि।
जेब्ला आं जोबोद खुसियै न'फारसे फैयो
आंनि रैसुमैया फैफायो गोरबोआव।
Bu şiiri puanla
Henüz puan verilmemiş