आंनि उन्दै सम/ उनना सिगां जा
R
Ronjoy Brahma
0
Altın Yaprak
फुंनिफ्राइ सानसे जोँमा साना
जोँजोँनो लोगोसे थायो
जोँनि फैलाव गुवार मुलुगाव
बयनोबो सोरां होनानै
जोँखौ नुनाय खालामो बियो
जोँखौ नायहरै नायहरै
जोँनि गोसोनि गिनायखौ होखारो
सम थांगासिनो थायो
फैसालियाव जोँमा दिन्दां जाहैयो
बहाबा बिलोनिफ्राइ बिरबोयो
गुफुर गुफुर दाउब' फालो
गावनि बासासिम बिरलाङो
फालो समायना अखोरां साजोँ
उन सिगां उन सिगां जानानै
मोनाबिलि अखोरांखौ समायना खालामनानै
उन्दै गोरलै गोसोनि
थमेन्नाय खाथिया जोङो
दुब्लि गेजेराव नायहरो
बाज्ल'यो बाज्ल'यो खुसियै बुंहरो-
(उनना सिगां जा
सिगांना उन जा)
बिसोरो सहैनाय थांखिसिम
उन सिगां उन सिगां जायो
उनना सिगां जालाय
सिगांना उन जालाय
नुहरै थानाव रोमै रोमै बिरलाङो।
Bu şiiri puanla
Henüz puan verilmemiş