आर'ज खालामो नोँखौ हास्थायनानै

नारानाथा बेसेबा नागिरै नागिरै मेँबाय ओलैस्रो लैथोमा गेजेराव, नोँखौ संदानै संदानै अरन सिँखावबोनानै सफैबाय फांसे लंथं बिफांनि सेराव। हांगार आबुं महर मोनसे फैसालियाव अब्ला अख्रांआव हाथर्खिमोनाबो मोखां फांथेदोँ, थर्स सुगदावहरो आं अखाफोर नागिरनानै आं नुयो उरि एम्फौनिल' होंगो दोँगो। फानफेवालि जानानै अखा हाहा होनो हाद्रिजोँ बुंनाय आबुं बालाहामायाव, गैया गैया बै रंजानाया थारैनो थास' बिलाइनि मोनसे फैसालिमोन। सान नागिर नागिर अखाफोर अलंबार नागिरनानै हाथर्खि मोन्नायबादि, मोनबाय आं मोनसे आलायारननि उनाव गाबनि गाब मोनसे गोमोथाव जायख्लं। अनजालि नोङो थायो अराय बेवहायनो समायना रमायना दखनाजोँ मिनिसुलु मिनिनानै, जिबौ दं लामायाव ग्लब मनयो मोसा दं दर्खँआव गेब बारसिनो। मिरौ जिरौ थैहां बरपहां आर'ज खालामो आं नोँखौ हास्थायनानै, बिरबो आं खाथियाव बिरबो थाबुरुम बामनानै लागोन आं।