आयै नों आंनि 137-179

137. बेसेबा गोदै बिमा नोंनि रावआ रिङो अराय गिदिं गिदिं आंनि खोमायाव आं रंजायो नोंनि थाखाय आयै आं रंजायो मिनिस्लु जायो 138. आइ आं गाबनो ओंखारो नोंनि खुसिखौनो सम सम नुनानै मानोना आंदि मेंग्लियो नोंनि अन्नाय बेसेबा गोथौ साननानै 139. मा होननानै बावहरगोन आयै! मोदै बोहैयो नोंनिनो अननायाव बेसेबांदि हुरा हुरा गोसो खाङो आयै नों माब्लाबाबो थैया आंनि गोरबोआव 140. नों फेदेरबाय आयै गावनि फिसाखौ मानबायै मानबायै हायाव थाबायै थाबायै थाबायस्लिंनो रोंनायनिफ्राइ बेबादिनो आं गाखोबाय मिजिंनि जांख्लाआव 141. आं गाबो आयै दिनैबो नोंनि मिजिंआव रंजानाय सुखिखौ नुनानै आयै मादि अननाय नोंनि….! आं सिबियो नोंखौ आं अनसायो बे उजियाव। 142. गोसोआव रंजानाय आरो सिमां आयै मादि नोंनि फिसाखौ- जिउ जोनोम मोनसेनि अननाय होनाय! बावनाय नङा आंलाय गोरबोजों आयै 143. आथिं जोगथोंना बिखुंआव गेलेनाय मिनि मिनि मोसानाय आंनि नोंनिनो आखायाव आयै नोंबोदि आंखौ बावनो हाया मा दं आंगोसिन नोंनि अनगायै? आयै नों गोजोनै थागोन थाबायथागोन । 144. जिरि जिरि बोहैनाय मोदैया दिनै लिरो खन्थाइखौ साबसिन साबसिनै आयै मुंजों नोंनि लेखा बिलाइयाव लिरो। मादि अननाय आयै नोंहा दंदि जिउ जोनोम सानसे बेलासेबो जोबनाय गैया। 145. नों आंनि थसे लेम गंसे बाथि मिनिस्लु फुथुयो गोजोन समाव आयै नों सोरां आंनि जिउनि गोरबो गोरबोनि। 146. आं नोंखौ नुदों आयै आरो आं मिनिस्लुदों मोखांआव नायनानै नोंनि आखायाव दिन्दौनाय आं होमब्ला उन्दैमोन बै समाव 147. आं गाबदोंमोन अब्ला हायाव आखाय सुंनानै आं नोंखौ नागिरदोंमोन अब्ला नोङो बामखांफैदोंमोन- रंजाहोदोंमोन। 148. साना ओंखारबायमोन आयै खोमसिया खारलांबायमोन अब्ला आंनि मेगनाव मैखि खानायमोन नों आंनि मोखांखौ बिलिरो आयै नों दुंब्रुद दैजों 149. नोंखौ साबायखर होयो आइ लाबोबाय मिथिंगा नों आंनि मोखांआव आं गोग्गा आयै नायहरै नायहरै - आं गाबज्रि हरो आइ होन्ना नोंखौनो। 150. नों आंखौ मोजां मोनो आयै- मिथिगौ नुदों नों आंखौ बोजबना लायो आं मिथिगौ नों फोरोङो रायनो राव फिसानो नों फोरोङो नायनो लामाखौ 151. सोर आंखौ नागिरदों सोर आंखौ खुदुमदोंमोन रावबो नङा सिगां नोंल' आयै - जेब्ला आं उन्दै गथ'मोन नों आंखौ खुदुमदोंमोन 152. आं खोनादों आयै नों आंखौ मानो गाबज्रिदों नोंनि गोदै गारांखौ खोनायो दाबो बुजिदों आं गेलेनाय रंजानाय समावबो 153. आंखौ बिखुंआव बानानै थांनो होआखै अखायाव आयै अनसुलि नों आं मिथिगौ बेसे सांग्रां नों लामा हानथिनायाव 154. जेब्लाबो आंजोंनो लोगोसे नों आइ जोंनि मोखांआवनो बोथोरा गुस्लायलांदों नायहरो अखाफोर हार्थखि आयै नों आंनो सल' खिन्था खिन्था सानफोरबो हगारहरदोंमोन। 155. मेगननि मोदै हुगारनानै मिनिस्लु मोखांआव बिबार बारो जेबोला आं खुसियै रंजायो आयै बाज्ल' खाङो गोसो नोंनि बिखायाव 156. दाउखा बिदै जोमैनि खोमसियाव फ्लाम अखा मोफ्लामनाय समाव एरसोदोंमोन आयै आं ग्रुम खोरोमनाय अखा समाव बे बुब्लियाव नों आयै गोबादोंमोन बिखायाव 157. समायना जायख्लंनि गाबखौ बिजिरख'नो हायै नायहरो आं आसि थुहाबना सोमो नाङो जेबोला आयै नों आंनो फोरमायो नों दोंसे सल' खिन्थायो बिमानि रावजों 158. मोदै रय रय बोहैबोयो मेगनाव हब्रा हब्रा गाबख्रावो आं जेबोला नोंनो आयै अनसुलि जिउ जोनोमनि नों आंखौ बामखांना गोबायो- अनफ्लेयो 159. नोंनि मेगना सोरां सान आयै नोंनि गोसोआबो अनथाव-बाथाव अखाफोर दै बार मिथिंगा अख्रां नों आंनि जिउ सोलेरनि गुबै आंगो 156. मोदै बोहैयो अख्रांनि अखा जानानै आं सोङो अब्ला - आयै नोंनि गाबनाया आइ मानि? 157. आं दिनै सानो अराय साबसिन गैया अनसुलि नोंनि- जायखौ नों होदों आंनो जिउ आरो जोनोम राव फाव गोसो आरो जिउ सोलेर मेगन गासै अंग। 158. नोंनि मिनिनायखौ मोजां मोनो आं मानोना आंहा गोसोआव दं- नोंनि रंजानाया गोजोन होयो गोरबो दंनायमानि नोंनि मोदै मानोना आं नुदों बेखौ आयै बहा बावनो बोरै? 159. आखायाव हमनानो थाबायनो फोरोंनाय नोंनि नुदों मिनिस्लु गोसोनि सायखंखौबो फिसा आं नोंनि अनजालु आइ गाबनाय मिनिनाय लोगोसे लानानै दं 160. बोसोर बोसोर थांबाय बेसेबांबा दैज्लां- मेेसें माघ फागुन बोथोरा गोबां रुंगलांबाय बेसेबांबा। आं मोन्दों अब्लाबो गोरबो नोंनि रंजानाय- मिनिनाय गोसोआव दं आयै आंहा 161. आं दिनबो गोसो खांदों आं जेब्ला नायहरो अखोरां - सिलानि दैस्लुंआव गोमोनानै नों खिन्थायो बिलिर बिलिर सल'बाथा बेनिनो 162. आयै नों जोबोद समायना आयै जोबोद अनसुलि आरोबाव नों नंगौ नों बोलोगोरा आं नुबाय आंखौ दबथायनाय नोंनि बानजों। 163. जेब्लाबो आंखौ सान्नो होयो आइ नों अनसुलि- जेब्ला आं दुस्थ- नों दबथायो आं मोनो थुलुंगानाय जेब्ला थाबायनो साजायो थोंनै आथिं 164. नों आंखौ गोबा फैयो जेब्लानो आं लेंहरो- नों आंखौ साबसिन साबसिनै अनो जायखौ आं मिथिगौ सान्नानै 165. आं नोंखौ साबायखर होयो जेब्ला आंनो नोंखौ खुलुमो नोंनो सासेल' आयै गोहोनि देहानि गिरि अनसुलि जायखौ सायखदों 166. बहा मोना नों आयै जेब्लाबो अन्नो हानाय गोरबो गावनि फिसाखौ? बेसेबा गोहो गोसोआव गावनि फिसाखौ फोरोंनो- 167. जायखौ आं नाजादों होदों नों थुलुंगा बेखौनो सान्दों नों आयै जोंथि माथि हार्थखि रुजुननो जिउआव नों आंनि फोरोंगिरि नोंनो आंनि जोथोनगिरि नार्स मुलुग देहाफाहामसालिनि 168. दैबायगिरि सोरां बाथि नों आयै आं दिनै लाइमोननि लामायाव आं मिथिगौ नोंनि थाखायनो आयै रावबो गैलिया गोहोनि अनसुलि नोंनि अनगा 169. जाय जेब्लाबो नायहरो जाय आंखौ रैखा होयो- जाय जेब्लाबो लोगोसे नों आयै आंनि खाथिनिफ्राइ खाथिसिन लोगोथार। 170. नों आंखौ फोरोङो आयै बबे सैथो बबे गोरोन्थि हानायसे रैसुमै रावै - सायखयो मोजां गाज्रि आं नोंनि फोरोंनाय बेनिफ्रायनो 171. आं लोमजायो आं बोराबो नों आंखौ मदद खालामो जेरावबो मोजाङै नोंहा आयेन दं - बेनिफ्रायनो आं हान्थियो गोरबो लानानै 172. नों जेब्लाबो जेरैबो दैबायो आंखौ सोरां फारसे जिउआव आंनि बिखायाव दा आबुं आयै नोंखौ अराय मोजां मोन्नायजों गोरबो 173. आंनि आयै नोंनो आंनि लोगो आंनि फोरोंगिरि आंनि अबं आरो अराय अनसायजाथाव मिथिंगा मुलुग 174. नागिरबायो आयै नोंनि रंजानायखौ जेब्ला आं सिमां नुयो - नंगौ आयै सैथो मोकथांआ 175. नों आंखौ मदद होगोन मिथिंगा जोबलांजासे आंनि सोलेरा आरो समायना जिउ बिरग'जासे नांगौ मदद साननि उनाव सान 176. आयै नोंनि अनसायनाय माजों रुजुनो हागौ आङो नोंखौ गैया आयै रुजुथाव नोंनि बेसे समायना मुलुग मिथिंगा होयो आरो लायो बोथोरादि 177. नोंनि अन्नाय बिलिरनाया बेनो मोनसे मिजिं आरो सान्दांथि उन्दै समनि थाबायनाय गोहो होनाय सांग्रांथि 178. दिनै नों मिनिदों आयै नों उन्दुलांदों - नों मा सिमां नुदों आयै? नोंनि मोदैया मानि साथि? मोजां मोन्नायनि आयै- बेनिनो ने सना आंनि! 179. बेसे खुसि बेसे मिजों नोंनि गोरबो बेसे सिमां बेसे आसा- आयै नोंनि आं मिजिं आरो थांखि।